മുട്ടിൽ
ഗ്രാമ പഞ്ചായത്ത്

⛰️ ഭൂപ്രകൃതി സവിശേഷതകൾ

സമുദ്ര നിരപ്പിൽ നിന്നും ശരാശരി 750 മീറ്റർ ഉയരത്തിൽ അക്ഷാംശം 11.64°, രേഖാംശം 76.11°-ൽ വയനാടൻ പീഠഭൂമിയിലാണ് മുട്ടിൽ പഞ്ചായത്ത് സ്ഥിതി ചെയ്യുന്നത്. പഞ്ചായത്തിന്റെ തെക്കുപടിഞ്ഞാറ് ഭാഗത്ത് സമുദ്രനിരപ്പിൽ നിന്ന് 1270 മീറ്റർ ഉയരത്തിൽ സ്ഥിതിചെയ്യുന്ന മുട്ടിൽ മലയും അതിനോട് ചേർന്ന വനഭൂമിയും പ്രധാന സവിശേഷതയാണ്. താഴ്ന്ന പ്രദേശമായ പറളിക്കുന്ന് നെൽവയലുകൾ 730 മീറ്റർ ഉന്നതിയിലാണ്. ചെറുതും ഇടത്തരവുമായ കുന്നിൻചെരിവുകളും അവയ്ക്കിടയിലുള്ള വയൽ പ്രദേശങ്ങളും താഴ്‌വരകളും ഈ പ്രദേശത്തിന്റെ പ്രത്യേകതയാണ്.